Sunday, November 10, 2013

ৱৰ্ল্ড চামিট এৱাৰ্ড আৰু কিছু অনুভৱ




নতুন দিল্লীৰ ইন্দিৰা গান্ধী আন্ত:ৰাষ্ট্ৰীয় বিমানবন্দৰৰ পৰা শ্ৰীলংকান এয়াৰলাইনচৰ বিমানখন ৰাণৱেৰ পৰা লাহে লাহে ওপৰলৈ উৰা মাৰিছিল। সৰু খিড়িকীখনেৰে এবাৰ বাহিৰলৈ ভুমুকিয়াই চালো হাতখন মেলি দিলেই যেন আকাশৰ নীলাখিনি চুই দিব পাৰিম। সৰুৰে পৰাই আকাশখন লৈ আছিল অলেখ হেঁপাহ! স্কাই ইজ দা লিমিট বুলি সৰুৰে পৰা শুনি থকা বাক্যশাৰী মনত পৰি গল। লক্ষ্য আছিল কলম্বো,ত ২৩ অক্টোবৰৰ পৰা চাৰিদিনীয়া কাৰ্যসূচীৰে আৰম্ভ হৈছিল ৱৰ্ল্ড চামিট এৱাৰ্ড ২০১৩ এই অনুষ্ঠানতে অসমৰ এটা ইন্টাৰনেট প্ৰকল্পই প্ৰতিনিধিত্ব কৰিছিল ভাৰতবৰ্ষক, কলা-পৰ্যটন শিতানত বিশ্বৰ পাঁচটা শ্ৰেষ্ঠ ই-প্ৰকল্পৰ মাজৰ এটা হিচাবে। সেয়াই আছিল আকাশ চোৱাৰ সপোন, যি দিঠকত পৰিণত হৈছিল।


কলম্বো আন্ত:ৰাষ্ট্ৰীয় বিমানবন্দৰৰ পৰা ওলায়েই দেখিছিলো আমাৰ বাবে ৰৈ থকা গাড়ীখন মোৰ যাত্ৰাৰ সংগী হৈছিল এনাজৰী ডট কমৰে এগৰাকী সক্ৰিয় সদস্য আদিত্য ৰঞ্জন দত্ত। এগৰাকী যুৱকে আথে বাথে আমাক আগবঢ়াই লৈ গৈছিল আমাৰ বাবে ৰৈ থকা গাড়ীখনৰ দিশে। গাড়ীখনতে বহি আছিল আব্দুল্লা,সম্পূৰ্ণ নাম আব্দুল্লা আনৱৰ ইউচেফ , E-Inclusion & Empowerment শাখাত বিজয়ী হৈ ছৌদি আৰৱক প্ৰতিনিধিত্ব কৰি চামিটলৈ অহা এগৰাকী প্ৰতিনিধি হোটেললৈ যোৱাৰ বাটত কথা পাতি গৈছিলো ছৌদি আৰৱৰ বিষয়ে, তাত চলি থকা ই-প্ৰকল্প আৰু আব্দুল্লাৰ প্ৰকল্পটোৰ বিষয়ে। লগতে উপভোগ কৰি গৈছিলো কেইবাটাও দশকৰ মূৰত শান্তি ঘূৰি ন কৈ ঠন ধৰি উঠা ৰাজধানী চহৰ কলম্বোৰ দৃশ্যাৱলী ইতিমধ্যে হোটেলখনত গোট খাইছিল বিভিন্ন দেশৰপৰা অহা শতাধিক প্ৰতিনিধি চিনাকি হৈছিলো বিভিন্ন দেশৰ পৰা অহা প্ৰতিনিধিসকলৰ সৈতে। তাৰ পাছতে সাজু হৈছিলো সন্ধিয়া ৰাষ্ট্ৰপতি সচিবালয়ত হবলগীয়া উদ্বোধনী অনুষ্ঠানৰ বাবে উদ্বোধনী সভা অনুষ্ঠিত হৈছিল শ্ৰীলংকাৰ ৰাষ্ট্ৰপতি সচিবালয় তথা পুৰণি সংসদ ভৱনত। সুসজ্জিত সংসদ ভৱনত শ্ৰীলংকাৰ ৰাষ্ট্ৰপতি মহিন্দা ৰাজাপকচেই উদ্বোধন কৰিছিল ৱৰ্ল্ড চামিট ২০১৩ ৰ বিশ্বৰ প্ৰখ্যাত তথ্যপ্ৰযুক্তিবিদ সকলৰ সাৰগৰ্ভ ভাষণসমূহেৰে মুখৰিত হৈ পৰিছিল সংসদ ভৱনটো। ২৪ তাৰিখে আছিল আমাৰ প্ৰকল্প এনাজৰী ডট কমৰ উপস্থাপনৰ দিন। প্ৰকল্প উপস্থাপনৰ পাছত যেতিয়া মোবাইল মানডে নামৰ প্ৰতিষ্ঠানটোৰ মুখ্য গৱেষক চিংগাপুৰ নিৱাসী মদনমোহন ৰাৱে কাণৰ কাষতে আহি কৈছিল ব্ৰেভো বুলি তেতিয়া মুখত মাথোঁ বিৰিঙি উঠিছিল এক আত্মসন্তুষ্টিৰ হাঁহি ই-কলা পৰ্যটন শিতানত কেৱল এনাজৰী ডট কমেই আছিল অ-বাণিজ্যিক প্ৰকল্প। স্বাভাৱিকতে জুৰী সদস্যই প্ৰশ্ন উত্থাপন কৰিছিল এনে এটা বৃহৎ প্ৰকল্প কেনেদৰে পৰিচালিত হয় অ-বাণিজ্যিক ৰূপত। বুজাই দিছিলো কৰ্মদলটোৰ কৰ্মপদ্ধতি; যেতিয়া নিজৰ কলা-সংস্কৃতিক ৰক্ষা কৰিবলৈ সদা উত্সাহিত হৈ থাকে তেতিয়া স্বত:স্ফুৰ্তভাৱে কাম কাজো হৈ থাকে সম্পূৰ্ণ স্বেচ্ছামূলক ভাবে। অতিকে উত্সাহিত হৈ পৰিছিলো যেতিয়া ঘানা-ইণ্ডিয়া কফি আন্নান তথ্য প্ৰযুক্তি কেন্দ্ৰমুখ্য নিৰ্দেশক ডৰথী গৰ্ডনৰ লগত পৰিচয় হওঁতে চিঞৰি উঠিছিল,O’ I know Assam, I know enajori”. এয়াই আছিল হয়তো এনাজৰীৰ সাফল্যৰ মুল চাবিকাঠি। ৱৰ্ল্ড চামিট এৱাৰ্ড অনুষ্ঠানটোত অংশগ্ৰহণ কৰি অনুভৱ কৰিছিলো বিশ্বখন তথ্যপ্ৰযুক্তিৰ দিশত বহু দূৰ আগবাঢ়ি গ নিউজিলেণ্ড, চীন, ফ্ৰান্স, চুইজাৰলেণ্ড, গ্ৰীচ, ফিনলেণ্ড, ইটালী আদি দেশত তথ্যপ্ৰযুক্তিৰ বিপ্লৱ দেখি তবধ মানিছিলো। কিন্তু একে সময়তে উৎফুল্লিতও হৈছিলো উত্তৰ পূব ভাৰতৰ ৰাজ্য এখনে দেশক প্ৰতিনিধিত্ব কৰি একেখন মঞ্চত থিয় দিয়াৰ সুযোগ পোৱাৰ বাবে। ২৬ অক্টোবৰ তাৰিখে অনুষ্ঠিত হৈছিল ৱৰ্ল্ড চামিট এৱাৰ্ডৰ বঁটা বিতৰণী সভা সাগৰ তীৰত অনুষ্ঠিত এই সভাত যেতিয়া বঁটা গ্ৰহণ কৰিবলৈ মুল মঞ্চলৈ আমন্ত্ৰণ কৰিছিল এক অজান শিহৰণে শিহৰিত কৰি তুলিছিল সমগ্ৰ দেহ মন। কেতিয়াও কল্পনা কৰিব নোৱাৰা এক সন্মান গ্ৰহণৰ দিশে খোজ দিছিলো। প্ৰশস্তি পত্ৰ আৰু ট্ৰফী লওঁতে হোৱা অনুভৱখিনি হয়তো ইয়াত বৰ্ণনা কৰিব নোৱাৰিম কিছু সময়ৰ বাবে হলেও এক কলাজ ৰূপত উদ্ভাসিত হৈ উঠিছিল এনাজৰীৰ লগত জড়িত দৃশ্যপটসমূহ

২০০৯ চনৰ ডিচেম্বৰ মাহৰ কোনোবা এটা সন্ধিয়া। গুগল টকৰ যোগেদি এজন অনা অসমীয়া বন্ধুৰ সৈতে কথা পাতি আছিলো, কথা প্ৰসংগত ওলাল অসমৰ কথা, অসমৰ বিভিন্ন তথ্য পাতি সমূহ ইন্টাৰনেটত উপলব্ধতাৰ কথা। মোক সি কৈ আছিল মোৰ হাতত ইমানবোৰ সংগ্ৰহ আছে, তেন্তে মই এটা অসম সংক্ৰান্তীয় ব্লগ এটাকে নোখোলো কিয়? কথাটো ময়ো ভাবি চালো ব্লগ এটা নিশ্চয় খুলিব পাৰি। কিন্তু মুৰত খেলাই আছিল অইন এটা কথা হে। এটা ৱেবচাইট আৰম্ভ কৰাৰ কথা, অসম সংক্ৰান্তীয়। কাৰণ সেই সময়ত ইন্টাৰনেটৰ জগতখনত অসম সংক্ৰান্তীয় তথ্যৰ অভাৱ ঘটিছিল বাৰুকৈয়ে। সন্ত্ৰাস,হিংসা,বন্ধ,আন্দোলন আদিৰে ভাৰাক্ৰান্ত অসম খনক এক বেলেগ ৰূপত উপস্থাপন কৰাৰ সপোন দেখিছিলো বহু দিনৰেপৰা। সমস্যাৰ কথা আলোচনা কৰি থকাতকৈ সমাধানৰ এক অংশ হোৱাৰ পন লৈছিলো ভবামতে কাম, ছচিয়েল নেটৱৰ্কিং চাইট অৰ্কূটৰ যোগেদি চিনাকি হোৱা কেইবাগৰাকীও বন্ধু-বান্ধবীৰ লগত আলোচনা কৰিলো। এওঁলোকো যথেষ্ট আগ্ৰহৰে আগবাঢ়ি আহিল এই প্ৰকল্পত সেৱা আগবঢ়াবলৈবাচি ললো - এনাজৰী নামটো। সহজ, মিঠা আৰু অৰ্থপুৰ্ণ! আৰ্থিক ভাৱে কাৰো পৰা সহায় নোলোৱাকৈ নিজৰ পকেটৰ ধনেৰেই  আৰম্ভ কৰিলো এনাজৰী ডট কমৰ প্ৰাৰম্ভিক কাম কাজযিহেতু প্ৰায়খিনি কাম আমাৰ এনাজৰী পৰিয়ালৰ সদস্য সকলে স্বেচ্চাই আৰম্ভ কৰিলে, সেইবাবে আৰ্থিক ভাৱে সিমান সমস্যাৰ সন্মুখীন নহলো। হাতত সময় বান্ধি ললো দুমাহ; দুমাহৰ ভিতৰত আমি এনাজৰী সাজু কৰি উলিয়ামকথামতে কাম, দিন ৰাতি একাকাৰ কৰি আমি কেইজনমান লাগি গলো কামততাৰ পাছতে দিল্লীৰ পৰা আহি গুৱাহাটীত আৰম্ভ হৈছিল উন্মোচনী সভাৰ কাম কাজবোৰঅৱশেষত ২০১০ চনৰ ১৩ মাৰ্চ তাৰিখে গুৱাহাটী প্ৰেচ ক্লাবত শুভ উদ্বোধন কৰা হল এনাজৰী ডট কমৰতাৰ পাছতে ইন্টাৰনেটৰ ৰাইজৰ প্ৰতিক্ৰিয়া আছিল চমকপ্ৰদকাহানিও আশা কৰা নাছিলো এনাজৰী ডট কমে ইমান সোনকালে সকলোকে মৰমেৰে বান্ধি পেলাব বুলি!

তিনিবছৰীয়া পৰিক্ৰমাটোত কেইবাটাও সফলতাৰ ঢৌৱেও চুই গ'ল এনাজৰী ডট কমক। প্ৰথম সাফল্য আহে ই নৰ্থ ইষ্ট বঁটাৰ যোগেদি,'ত এনাজৰী ডট কমে লাভ কৰে জুৰীৰ বিশেষ' বঁটা। আনহাতে তাৰ কিছুদিনৰ পাছতে আহে আন এক বৃহৎ সাফল্য, মন্থন ছাউথ এছিয়া আৰু এছিয়া পেচিফিক ২০১২ বঁটা এনাজৰী ডট কমৰ বাবে হৈ পৰে এক বৃহৎ সাফল্যৱৰ্ল্ড চামিট এৱাৰ্ড ২০১৩ বঁটাৰে যেন এনাজৰী ডট কমে আকাশখন চুলে।

এনাজৰী ডট কম যোগে বিভিন্ন প্ৰকল্পৰ কাম ইতিমধ্যেই চলি আছে। লিপ্যন্তৰ প্ৰকল্পৰ অধীনত অনুবাদ কৰ্মদলৰ সহায়ত বিভিন্ন অসমীয়া লেখা মেলাৰ ইংৰাজীলৈ অনুবাদৰ কাম তথা ইউনিকোড কৰ্মদলৰ কামো সমানে চলি আছে। লগতে সংৰক্ষণ চলি আছে অসমীয়া গীত-মাত,আলোকচিত্ৰ, পুৰণি অসমীয়া গ্ৰন্থৰ ডিজিটেল ৰূপ আৰু বহুতো। বৰ্তমান সম্পূৰ্ণৰূপে কাম কাজ কেন্দ্ৰীভূত কৰা হৈছে এনাজৰী ডট কমৰ অভিলাষী আঁচনি সাহিত্যৰথী ডট কমৰ ওপৰত,ত ৰসৰাজৰ সমগ্ৰ ৰচনাসমূহ ডিজিটেল ৰূপত প্ৰকাশ কৰাৰ প্ৰস্তুতি তুংগত। ইতিমধ্যে মুক্তি দিয়া এই ৱেবচাইটটো অহা এবছৰৰ ভিতৰত সম্পূৰ্ণ কৰাৰ পৰিকল্পনা কৰা হৈছে। সুৰৰ এনাজৰী ডট ইনফোত অন্তৰ্ভূক্তকৰা হৈছে তেৰশৰো অধিক পুৰণি গীত। ইয়াৰে শতাধিক গীত গ্ৰামোফোন যুগৰ।

এনাজৰী ডট কম প্ৰকল্পটো হৈছে সম্পূৰ্ণভাৱে অব্যৱসায়িক প্ৰকল্প। এই প্ৰকল্পত কোনো চৰকাৰী লাখ টকাৰ অনুদান লোৱা হোৱা নাই অথবা কোনো বৃহৎ পুঁজিপতিৰ অনুদানো নাই। ছোচাইটি হিচাবে পঞ্জীকৃত এই প্ৰকল্পটো আৰ্থিকভাৱে চলি আছে সদস্য কেইজনৰ বাৰ্ষিক বৰঙণিৰ দ্বাৰা। এই প্ৰকল্পৰ সকলো সদস্য নিজ নিজ কৰ্মক্ষেত্ৰৰ লগত জড়িত, এনাজৰী ডট কমৰ প্ৰতি থকা ভালপোৱা তথা নিজৰ কলা সংস্কৃতিৰ লগত জড়িত হৈ থকাৰ হাবিয়াসৰ ফলস্বৰূপেই এনাজৰী ডট কমৰ লগত জড়িত হৈ আছে বিভিন্ন ক্ষেত্ৰত কৰ্মৰত সদস্যসমূহ। সকলোৰে এক সমূহীয়া প্ৰচেষ্টাৰেই ফল এনাজৰী ডট কম।

ব্যক্তিগত ৱেবচাইট হিচাবে আৰম্ভ কৰিম বুলি ভবা এনাজৰী ডট কম এতিয়া এটা সামাজিক সংগঠন এনাজৰীৰ তিনিবছৰীয়া যাত্ৰাত দেশ-বিদেশৰ আলোচনী-পত্ৰিকাসমূহে যিদৰে এই প্ৰকল্পটোক প্ৰশংসাৰে ওপচাই দিলে সেয়া অকল্পনীয় পঢ়ুৱৈৰ এই উত্সাহ সমুহেই এনাজৰী ডট কমৰ মূল চালিকা শক্তি। যিমানেই বাধা সম্মুখত থিয় দি নাথাকক কিয়, এনাজৰীৰ বান্ধোনডাল কেতিয়াও সোলোক ঢোলোক হৈ নপৰে অসমত এই ই-বিপ্লৱ চলি থাকিব,ই আমাৰ তৰফৰ পৰা আপোনালোকলৈএক প্ৰতিশ্ৰুতি!


Tuesday, July 9, 2013

লুটেৰা



"Some day I shall paint my masterpiece" - Behrman (The Last leaf, O. Henry)


 
বাৰ...এঘাৰ...দহ...ন...আঠ......আৰু সাত। এনেদৰেই গছজোপাৰ পাতবোৰ গণি গৈছিল জন্সিয়ে। শেষৰ পাতখিলা যেতিয়া সৰি পৰিব, তাইৰো মৃত্যু ঘটিব - এই ধাৰণাটোৰে বিচনাত পৰি মৃত্যুলৈ অপেক্ষাৰত নিমোনিয়া ৰোগত আক্ৰান্ত জন্সি। কিন্তু জন্সি থকা বাসভৱনৰ তলৰ মহলাত থকা বৃদ্ধ বাৰমেনৰ শ্ৰেষ্ঠতম চিত্ৰখন অংকন কৰিবলৈ তেতিয়াও বাকী আছিল, যিখন এতিয়াও আঁকিবলৈ আৰম্ভ কৰা নাই!

হেনৰীৰ গল্পৰ আছে এক সুকীয়া আমেজ। গল্পৰ মাজেৰে গৈ থাকোতে কেতিয়ানো গল্পৰ সিটো মূৰ পোৱা যায় গমকে পোৱা নাযায়। গল্পৰ এক হিয়া জুৰুৱা পৰিসমাপ্তি! অন্যান্য গল্প সমূহৰ লগতে ডা লাষ্ট লিফ্‌ (The Last Leaf) গল্পটোও হৈছে অ হেনৰীৰ এক অনবদ্য সৃষ্টি। হতাশগ্ৰস্ত জন্সিক মৃত্যুমুখৰ পৰা এগৰাকী বৃদ্ধই ৰং তুলিকাৰে ৰক্ষা কৰাৰ এক অপূৰ্ব কাহিনী। অ হেনৰীৰ এই গল্পটোৰ শব্দবোৰৰ মাজেৰে আগবাঢ়ি যাব, এনেকুৱা লাগিব যেন কতো একো হোৱা নাই, সকলোবোৰ নিৰ্দিষ্ট গতিতেই আগবাঢ়ি আছে, কিন্তু গল্পত শেষৰ দুশাৰীমানে গল্পটোত ঢালি দিয়ে নতুন প্ৰাণ, পাঠকক প্ৰদান কৰে এক অভেদ্য ৰহস্যৰ সম্ভেদ। হেনৰীৰ গল্পৰ সৌন্দৰ্য্য আৰু চুটিগল্পৰো বৈশিষ্ট হয়তো ইয়াতেই, পাঠকক কেইটামান শক্তিশালী শব্দ আৰু কাহিনীৰ গতিৰে তৃপ্ত কৰা।  
হেনৰীৰ এই চুটি গল্পটোৰে আংশিক ছাঁ লৈয়ে বলিউডত মুক্তি পাইছে লুটেৰা নামৰ কথাছবিখন। পৰিচালক বিক্ৰমাদিত্য মতৱানেৰ নতুন চলচ্চিত্ৰ। কম বাজেটৰ উড়ান চলচ্চিত্ৰখনেৰে চৰ্চালৈ অহা মতৱানেৰ লুটেৰা চলচ্চিত্ৰখনে ইতিমধ্যে দৰ্শকৰ দৃষ্টি আকৰ্ষণ কৰিছে। যদিও ছবিখনৰ মূল সাৰাংশটো অ হেনৰীৰ গল্পটোৰ পৰা লোৱা হৈছে, লুটেৰা বোলছবিখনৰ মূল কাহিনীৰ সময় হ১৯৫০ চন। ৫০ চনৰ পশ্চিমবংগৰ পটভূমিত নিৰ্মিত বোলছবি খনত বৰ্ণনা কৰা হৈছে এহাল ডেকা-গাভৰুৰ ভালপোৱা আৰু ইয়াৰ এক কৰুণ সমাপ্তি। বিভিন্ন ঘটনা পৰিঘটনাৰে আৰম্ভ হোৱা বোলছবিখনৰ সমাপ্তি ঘটে The Last Leaf ৰ অনুপ্ৰেৰণাত। ছবিখনৰ পোনপ্ৰথমেই উল্লেখ কৰিবলগীয়া দিশটি হল ইয়াৰ পটভূমি, ষাঠীৰ দশকৰ পশ্চিমবংগৰ দৃশ্যপট এটা ফুটাই তোলাত পৰিচালক সম্পূৰ্ণ ৰূপে সফল হ অভিনয় যথাযথ। মাজে মাজে ৰণবীৰ সিঙৰ জড়তাপূৰ্ণ অভিনয়ৰ বাবে ছবিখন উজুতি খোৱা যেন অনুভৱ হল। সোণাক্ষী সিন্হাৰ লগত চৰিত্ৰটো যেন ধুনীয়াকৈ খাপ খাই পৰিল! আন এটা চৰিত্ৰত অভিনয় কৰা আদিল হুছেইনৰ উচ্চ খাপৰ অভিনয় প্ৰতিভাৰ বিষয়ে হয়তো উল্লেখ কৰাৰ প্ৰয়োজন নাই। বোলছবিখনৰ আন এক উল্লেখযোগ্য দিশ হল অমিত ত্ৰিবেদীৰ সুমধুৰ সংগীত। লোকসংগীত আৰু পাশ্চাত্য সংগীতৰ মিশ্ৰণেৰে ত্ৰিবেদীয়ে বোলছবিখনক উদ্ভাসিত কৰি তুলিলে। মহেন্দ্ৰ চেট্টীৰ কেমেৰাই যেন প্ৰতিটো ফ্ৰেমতে একো একোখন সুন্দৰ চিত্ৰহে অংকণ কৰি গৈছিল। বিক্ৰমাদিত্য মতৱানেই নিজৰ দ্বিতীয় কথাছবিখনেৰেই হয়তো ভাৰতীয় চলচ্চিত্ৰপ্ৰেমীৰ হৃদয় জিনিলে, The Last Leaf ৰ আধাৰত ভাৰতীয় দৰ্শকৰ উপযোগীকৈ এখন কথাছবি পৰিচালনা কৰি

Thursday, April 18, 2013

বিহুমঞ্চত হিন্দী গীত আৰু আলফাৰ ভাবুকি



বৰ্তমান অসমত বিহুৰ সাংস্কৃতিক অনুষ্ঠান সমূহৰ বতৰ। চুকে কোনে অনুষ্ঠিত সাংস্কৃতিক অনুষ্ঠান সমূহত শিল্পী সকলে পৰিবেশন কৰি আছে বিভিন্ন গীত কিন্তু আলফাৰ ভাবুকিয়ে যেন শিল্পী সকলক শংকিত কৰি ৰাখিছে। কাৰণ আলফাৰ পৰা ভাবুকি আহিছে, মঞ্চত কোনেও যাতে  এইবাৰ হিন্দী গীত পৰিবেশন নকৰে, একপ্ৰকাৰৰ তালিবানী ফটোৱাহে যেন এই বিষয়টোকে লৈ বৰ্তমান অসমত সৃষ্টি হৈছে তীব্ৰ বিতৰ্কৰ।
কথা হল এনেধৰণৰ ফটোৱা জাৰী কৰাৰ আলফাৰ কিবা অধিকাৰ আছেনে? এগৰাকী শিল্পীয়ে নিজৰ পচন্দৰ গীত গোৱাৰ অধিকাৰ নিশ্চয় আছে (শালীনতাবোধৰ মাজেৰে) সেয়া লাগিলে যিকোনো ভাষাৰেই নহওঁক কিয়? হিন্দীবিৰোধী ৰূপ এটাৰে অসমীয়াপ্ৰীতি দেখুৱাবলৈ গৈ আলফাই কিন্তু নিজৰ ফোঁপোলা স্বৰূপ এটাও উদঙাই দিছে। অসমীয়া ভাষা-সংস্কৃতি ৰক্ষাৰ বাবে আলফাই কি এনে লেখত লবলগীয়া কাম কৰিছে সেয়া জানিবৰ মোৰো মন আছে। নামৰ শেষত অসম শব্দটো লগাই ললেই অসমৰ ভাষা-সংস্কৃতিক শ্ৰদ্ধা কৰাটো নুবুজায়। অসমীয়া ভাষা সংস্কৃতিক ৰক্ষা কৰাৰ পণো লব লাগিব।
আলফাই আজি হিন্দী গীত পৰিবেশনৰ বাবে জুবিন গাৰ্গক দোষাৰোপ কৰিছে, কিন্তু অসমত অসমীয়া ভাষাৰ উন্নতিৰ বাবে আলফাই কি কৰিছে? অসমক আজি বাংলাভাষী বিজ্ঞাপনে চানি ধৰিছে, অসমীয়া ভাষাটোলৈকে একপ্ৰকাৰৰ অশনি সংকেত কঢ়িয়াই আনিছে। এই ক্ষেত্ৰত আলফাই কিবা মাত মাতিছেনে? ইংৰাজী মাধ্যমৰ বিদ্যালয়ত অসমীয়া ভাষাৰ দুৰৱস্থা বিষয়ত আলফাই কিবা মাত মাতিছেনে? অন্যান্য বিভিন্ন ক্ষেত্ৰতো অসমীয়া ভাষাৰ শৰাধ কাৰ্য চলি আছে। এইবোৰ বিষয়ত আলফাৰ মতামত কি? হিন্দী গীত ভূপেন হাজৰিকায়ো পৰিৱেশন কৰিছিল, কিন্তু ভূপেন দাকো ভাবুকি দিয়াৰ আলফাৰ সাহস হলহেঁতেন নে?
আলফাই এটা কথা জানি থোৱাটো প্ৰয়োজন যে অস্ত্ৰৰ ভাবুকিৰে কলা –সংস্কৃতিৰ প্ৰসাৰত বাধা দিব নোৱাৰি। সাংস্কৃতিক ক্ষেত্ৰখন যদি আলফাই বন্দুকৰ ভাবুকিৰে চলাব বিচাৰিছে তেন্তে ইয়াতকৈ ডাঙৰ মূৰ্খামি হয়তো আলফাৰ বাবে অইন একো নহব।

Tuesday, April 9, 2013

বিশ্ব ৰেকৰ্ডৰ ৰোগত আক্ৰান্ত অসম



অসমত বৰ্তমান এক নতুন ৰোগে দেখা দিছে! বিশ্ব ৰেকৰ্ডৰ ৰোগ! যোৱা প্ৰায় এবছৰ মানৰ পৰা এই ৰোগে অসমক বাৰুকৈয়ে আক্ৰান্ত কৰিছে। এটাৰ পাছত অইন এটা সংগঠনে নতুন নতুন ৰেকৰ্ডৰ সৃষ্টিৰ প্ৰচেষ্টা চলাইছে, কিছুমান সফল হৈছে, কিছুমান অসফল হৈছে, কিছুমানৰ প্ৰচেষ্টা এতিয়াও অব্যাহত আছে। এই যে বিশ্ব ৰেকৰ্ডবোৰ হৈছে তাৰ দ্বাৰা সঁচাকৈয়ে আমাৰ অসমৰ অথবা জাতিটোৰ কিবা লাভ হৈছেনে? বাহিৰা দৃষ্টিত খুবেই গৌৰৱৰ এক বিষয় পৃথিৱীৰ বৃহত্তম, দীৰ্ঘতম, উচ্চতম ইত্যাদি শব্দবোৰে এক গহীন গহীন বাক্যৰ সৃষ্টি কৰে। কিন্তু আমি সঁচাকৈয়ে ইমান উন্নত এক জাতিনে যে ডেৰ কিলোমিটাৰ এখন দীঘল গামোচা শিপীনীৰ দ্বাৰা বোৱাই দিল্লীত প্ৰদৰ্শন কৰি গামোচাক বিশ্বদৰবাৰত প্ৰতিষ্ঠা কৰিম। ঠিক আছে কৰিলো, তাৰ পাছত? আমি অনুভৱ কৰোনে যে যিখন গামোচা আমি আজি বিশ্বৰেকৰ্ডৰ বাবে প্ৰদৰ্শন কৰিছো সেই গামোচাৰ অসমত উৎপাদন কিমান? প্ৰতিবছৰে বিহুৰ সময়ত চাহিদা থকা ত্ৰিশ লাখ গামোচাৰ কিমান গামোচা প্ৰতিবছৰে বাহিৰৰ পৰা অসমলৈ আহে? আমি খবৰ কৰোনে, শিপিনীসকলে এখন গামোচা বৈ উঠি কিমান টকা পায়্? অথবা মধ্যভোগীসকলে কিমান টকা এগৰাকী শিপিনীৰ পৰা কাঢ়ি লৈ যায়? এইবোৰৰ আমি হিচাব ৰাখোনে? যিখন গামোচা এটা জাতিৰ এক পৰিচয় হিচাবে সদায় ওপৰত থাকে, সেই গামোচা বোৱা সংস্কৃতিটোক এক উদ্যোগ হিচাবে আমি কিন্তু কাহানিও গঢ়ি তুলিব নোৱাৰিলো। উচিত মূল্য নাপাই অসমৰ থলুৱা শিপিনীয়ে নিজে বোৱা গামোচাৰেই পেটত গাঁঠি মৰাৰ উপক্ৰম হৈ পৰে। সেই গামোচাৰেই আমি আজি বিশ্বৰেকৰ্ড গঢ়িছো। অনা অসমীয়া অথবা বিদেশী লোকৰ দৃষ্টিত হয়তো এক চকু চাৎ মৰা এক কাম। কিন্তু আমি নিজে যদি এবাৰ ভাবি চাওঁ তেন্তে জাতিটোৰ ফোপোলা স্বৰূপটোহে ওলাই পৰে আজি ডেৰ কিলোমিটাৰ দীঘল এখন গামোচা তৈয়াৰ কৰি বিশ্ব ৰেকৰ্ড গঢ়া হৈছে ,কাইলৈ অইন এটা সংগঠনে দুই কিলোমিটাৰ দীঘল এখন নিৰ্মান কৰি সেই ৰেকৰ্ডটো ভাঙিব আৰু এনেদৰেই আমি দীৰ্ঘতম, উচ্চতম, বৃহত্তম শব্দবোৰৰ মাজত উটি ভঁহি ফুৰিম, সামাজিক সমস্যাৰে ভাৰাক্ৰান্ত এটা জাতিক লৈ। এনেকুৱা এটা ৰেকৰ্ডো শুনিবলৈ হয়তো অলপ ভাল লাগে - লাখ লাখ গামোচা একে সময়তে থলুৱা শিপিনীৰ দ্বাৰা উচিত মূল্যত তৈয়াৰ হোৱা বিশ্বৰেকৰ্ড! হয়, সাফল্য এটাত এনে এটা লেখাই হয়তো মোক বহুতৰ দৃষ্টিত অসম বিৰোধী হিচাপে পৰিচয় এটা দিব, কিন্তু এনেকুৱা ক্ষন্তেকীয়া চমকে এটা জাতিৰ এটা পৰিচয়ক যে তীব্ৰ ভেঙুচালি কৰে সেয়াও হয়তো এদিন সকলোৱে অনুভৱ কৰিব। এটা সময়ত হয়তো আমি অনুভৱ কৰিম ৰেকৰ্ডৰ দৌৰত আমি হয়তো নিজকে বহুৱা সাজি দৌৰি গৈ আছো!