Sunday, November 13, 2011

ভূপেন দাৰ গীতত নাৰীমনৰ বহি:প্ৰকাশ


     ভূপেন দাৰ গীতত যিদৰে আছিল শোষণৰ বিৰুদ্ধে প্ৰতিবাদ, ঠিক সেইদৰে আছিল বিভিন্ন জনগোষ্ঠীয় সম্প্ৰীতিৰ বতৰা। কিন্তু প্ৰেম বিৰহ বাদ পৰি গৈছিল জানো তেওঁৰ গীতত? তেওঁৰ গীতত প্ৰতিফলিত হৈছিল নাৰী পুৰুষৰ মাজৰ দুৰ্দান্ত প্ৰেমৰ বতৰা অতি সাৱলীল তথা অমায়িকভাবে। কিন্তু কেৱল নাৰীৰ জীৱন প্ৰতিফলিত কৰি লিখা ভূপেন দাৰ গীতো কম নাছিল,ত নাৰী মনৰ অন্তৰ্দন্দ্ব, বেদনা, বিৰহ, উত্কণ্ঠা আদি অনেক ৰূপৰ বহি:প্ৰকাশ ঘটিছিল। ভূপেন দাৰ নাৰীবিষয়ক বহু গীতৰ মাজত মোৰ দৃষ্টিত তিনিটা সৰ্বশ্ৰেষ্ঠ গীত আছিল –
1.              গাঁৱৰে জীয়ৰী সপোন সুন্দৰী (কথা/সুৰ : ভূপেন হাজৰিকা; কণ্ঠ: গুনদা দাস কৌৰ)
গীতটিত প্ৰকাশ পাইছে অসমীয়া নাৰীৰ এক বাংময় ৰূপ। অসমীয়া নাৰীৰ সৌন্দৰ্য্য আৰু কৰ্মনিপুনতা গীতটিৰ কোঁহে কোঁহে। পিয়লী ফুকন কথাছবিৰ এই গীতটোৰ দৃশ্যায়নত অভিনেত্ৰী ইভা আচাওৰ লগত যেন সুন্দৰকৈ খাপ খাই পৰিছিল এই গীতটি।
2.               মালতী কথা এটি কওঁ শুনা (কথা/সুৰ : ভূপেন হাজৰিকা; কণ্ঠ: ঊষা মংগেশকাৰ)
মালতীক নিজৰ বিয়াৰ খবৰ দিয়াৰ লগে লগে যেন আৰম্ভ হৈছে এক কথোপকথন নিজৰ বিয়াখনক লৈ প্ৰস্তুতিৰ এক দূৰন্ত কল্পনা, যিটো নাৰীমনৰ এক সহজাত প্ৰবৃত্তি।
3.           নিজকে দেখি আজিকালি বেলেগ ভাব জাগে* (কথা/সুৰ: ভূপেন হাজৰিকা; কণ্ঠ: অঞ্জু দেৱী)
এগৰাকী কিশোৰীয়ে যৌৱনৰ দুৱাৰডলিত ভৰি দিয়াৰ এক বৰ্ণনা। নাৰীৰ মানসিক পৰিবৰ্তনৰ এনে বিৱৰণ চমকপ্ৰদ, সেয়াও এক পুৰুষৰ লিখনিত!
 *ইয়াত সংযোজিত গীতটিৰ কণ্ঠশিল্পী গৰাকী সংগীতা কাকতি

4 comments:

givemeyourhand said...

Nijoke Dekhi gaan2r konthoshilpi goraaki Sangita Kakati.

Rupalim said...

Imaan xundor aru rare collection dada!!!khub xundor aru proxongxoniyo apunar ei prosesta...khub bhal lagil..aru apunaloi mur bohut bohut xubhessa thakil...aru agoloiu enedore notun notun prosestare aagbarhi jaok..Bhogobane apunak xohaai korok....!!!!!!!!!

rupam sarma said...

Sundor Himjyotida

madhumita said...

বনহংসৰ গানটো অবশেষত পালো গৈ...many many thanks