Saturday, July 9, 2011

গুৰুজনাৰ নামত চলি থকা কাণ্ড কাৰখানাবোৰ

১৩ এপ্রিলত প্ৰকাশিত 'আমাৰ অসম'ৰ বাতৰি
     আজি কেইদিনমানৰ পৰা ফেচবুকত ঘটি থকা নাভুত নাশ্ৰুত ঘটনা কিছুমানে সকলোৰে চকু কঁপালত তুলিছে। ফেচবুকৰ বাতৰি সঘনাই বাতৰি কাকত সমূহত প্ৰকাশ পাই থকাটো আজিকালি নিত্য নৈমিত্তিক ঘটনা। কিন্তু কিছুদিন আগতে অসমৰ এখন আগশাৰীৰ বাতৰি কাকতত দুবাৰকৈ ১২ এপ্ৰিল আৰু ৪ জুলাই তাৰিখে যি বাতৰি প্ৰচাৰ কৰা হল সেই বাতৰি দেখি মুখৰ মাত হৰিল ১৩ এপ্ৰিলৰ বাতৰিটোত প্ৰকাশ হৈছিল যে বিশ্ববিখ্যাত পপ গায়িকা শ্বাকিৰাই ফেচবুকত থকা মহাপুৰুষ শ্ৰীমন্ত শংকৰদেৱ সম্বন্ধীয় গোট(Followers of Srimanta Shankardeva) এটাত গুৰুজনাৰ অনুগামী হিচাবে যোগদান (?) কৰিছে। হাঁহিত পেট বিষোৱা এটা বাতৰি। গল কথা গুচি। কিন্তু একে ধৰণৰ এটা বাতৰি সৌ সিদিনা ৪ জুলাই তাৰিখে পুনৰ একেখন কাকততে প্ৰকাশ হল। এইবাৰ এখোপ চৰা শ্বাকিৰাৰ লগত যোগ হল শচীন, যুৱৰাজ, হৃত্বিক ইত্যাদি। একেটা গোটৰ বাতৰি দুবাৰকৈ একেখন বাতৰি কাকতত ওলাল! সকলো বস্তুৰে সহ্যৰ এটা সীমা থাকে। এই মিছা বাতৰিৰ বিৰুদ্ধে প্ৰতিবাদ কৰা হ যাৰ ফলত এই লেখকক সেই নিৰ্দিষ্ট গোটটোৰপৰা বহিষ্কাৰ কৰি দিয়া হ কেৱল বহিষ্কাৰেই নহয়, সম্পূৰ্ণ Block কৰি দিয়া হ, যাতে মই সেই গোটটো দৰ্শনো কৰিব নোৱাৰো।
     এতিয়া আহো ভুঁৱা প্ৰফাইল গোটটোত অন্তৰ্ভুক্তিৰ কথা। আমি ইন্টাৰনেৰ লগত জড়িত প্ৰায় সকলো লোকেই জানো যে ছচিয়েল নেটৱৰ্কিং চাইট ফেচবুকত ভুঁৱা প্ৰফাইল সমূহৰ দপদপনি সদায় বিৰাজমান। জনপ্ৰিয় ব্যক্তিসকলৰ নামত ভুঁৱা প্ৰফাইল খুলি প্ৰায়েই ৰাইজক আঁভুৱা ভৰা হয়। এই ভুঁৱা প্ৰফাইল সমূহ সেই গোটটোত অন্তৰ্ভুক্ত কৰি অসমৰ সহজ সৰল ৰাইজৰ মাজত এনেধৰণে বাতৰি প্ৰচাৰ কৰা হল যে শ্বাকিৰা,শচীন, হৃত্বিক আদিয়ে শংকৰদেৱৰ অনুগামী হিচাবে যোগ দিছে। যিগৰাকী ব্যক্তিয়েএই বাতৰিটো তৈয়াৰ কৰিছিল, তেওঁ এবাৰ হলেও অনুসন্ধান কৰি চাইছিলেনে যে এই প্ৰফাইলবোৰ সঁচা নে মিছা? ইয়াত কোনো দ্বি মত নাই যে অসমৰ খুব কমসংখ্যক সাংবাদিকৰহে ফেচবুক, ইন্টাৰনেট আদিৰ বিষয়ে গভীৰ জ্ঞান আছে। সাংবাদিক গৰাকীৰ ভুল সেইখিনিতেই।
     এতিয়া আহো গোটটোৰ প্ৰশাসক সকলৰ ভুমিকালৈ। যেতিয়াই ফেচবুকত প্ৰকাশিত এই বাতৰিবোৰৰ বিপক্ষে প্ৰতিবাদ হবলৈ ধৰিলে, ৰহস্যজনক ভাবে এইক্ষেত্ৰত তেওঁলোকে মৌন ব্ৰত ধাৰণ কৰিলে। বিষয়টো সাংবাদিকৰ ভুল বুলি ঠেলি দিবলৈ চেষ্টা কৰিলে। কিন্তু একেটা বাতৰি একেখন বাতৰি কাকতত দুবাৰকৈ প্ৰায় একধৰণে ওলোৱাটো কেৱল সাংবাদিকৰ ভুলেই নে? প্ৰশাসক সকলৰ মন্তব্য আছিল হাস্যাস্পদ তেওঁলোকৰ মতে কোনটো ভুঁৱা প্ৰফাইল কোনটো সঁচা প্ৰফাইল জনাৰ কোনো উপাই নাথাকে। তেওঁলোকে ইমানেই যদি বিভ্ৰান্তিত ভুগিছিল,তেন্তে সেই প্ৰফাইলবোৰৰ নামত বাতৰিটো প্ৰকাশ হলেই বা কিয়? প্ৰশাসক সকলে এটা ৰাজহুৱা স্পষ্টীকৰণ নিদিয়ে কিয় যে সেই বাতৰি তেওঁলোকে যোগান ধৰা নাছিল বুলি? জনপ্ৰিয় তাৰকাৰ ভুঁৱা প্ৰফাইলঅবোৰ যোগ কৰি যোৱা হৈছিল আৰু প্ৰশাসক সকলে সেয়া লাইক বুটামটো টিপি লাইককৰি গৈছিল।
     আপোনালোকৰ জ্ঞাতাৰ্থে জনাব বিচাৰো যে আজিকালি ফেচবুকত এটা গোট খুলি আপুনি যিকোনো মানুহক তেওঁ গম নোপোৱাকৈয়ে যোগদান কৰাব পাৰে। অৰ্থাৎ আপুনি নজনাকৈয়ে আপোনাৰ অনুমতি নোহোৱাকৈও আপোনাক আনে কোনো গোটত সুমুৱাই দিব পাৰে। তেনেক্ষেত্ৰত দুই সহস্ৰাধিক লোকে যোগদান কৰাটো একো প্ৰচাৰ কৰিব লগীয়া বাতৰি নহয়। কিন্তু দুখ লাগিল ভুৱা প্ৰফাইল বোৰৰ নাম লৈ গুৰুজনাৰ বাতৰি প্ৰচাৰ কৰাটোক লৈহে। ইয়াতে এটা কথা ৰাইজৰ জ্ঞাতাৰ্থে জনাওঁ যে, প্ৰখ্যাত ব্যক্তি সকলৰ বেছি ভাগৰে নিজৰ কোনো ফেচবুক প্ৰফাইল নাথাকে। তেওঁলোকৰ সাধাৰণতে ফিচিয়েল অনুগামী পৃষ্ঠা (Official Fan Page) হে থাকে।
     এনেকুৱা বাতৰি এটা পঢ়ি অসমৰ যিসকল লোকৰ ইন্টাৰনেট জ্ঞান নাই, তেওঁলোক আৱেগিক হৈ যাব বুলি সহজেই অনুমেয় কিন্তু এনে বিচাৰ বিশ্লেষণ নকৰাকৈ পৰিৱেশন কৰা বাতৰিৰে মানুহৰ আৱেগক লৈ খেল খেলাৰ কিবা যুক্তি আছেনে? এই বাতৰিয়ে গুৰুজনাক তীব্ৰ অপমান কৰিলে। অসমৰ বাহিৰত থাকি হলেও অসম খন ভাল পাওঁ, গুৰুজনাক শ্ৰদ্ধা কৰো। আৰু গুৰুজনাক লৈ তৈয়াৰ কৰা এই মিছা বাতৰি পঢ়ি আমি বহুতো প্ৰবাসী অসমীয়া ইতিমধ্যে মৰ্মাহত হৈ পৰিছো। বিশ্ব দৰবাৰলৈ নিয়াৰ নামত জনপ্ৰিয় কিছুমান তাৰকাৰ ভুৱা প্ৰফাইল অনুগামী হোৱা বুলি দেখুৱাই নিন্দনীয় কাম এটা কৰা হল। অৰু আটাইতকৈ ডাঙৰ কথাটো হল এই গোটটোৰ লগত জড়িত হৈ আছে কেইবাগৰাকীও অতি উচ্চ শিক্ষিত ব্যক্তি। তেনেস্থলত এনে এনে ঘটনা অতি দুখলগা।
৪ জুলাইত প্ৰকাশিত 'আমাৰ অসম'ৰ বাতৰি
     আপোনালোকে হয়তো ভাবিছে ফেচবুকৰ সৰু ঘটনা এটা লৈয়ে তিলটোক তাল কৰা হৈছে। কিন্তু এই বিষয়টি বৰ্তমান ফেচবুকৰ পৰা ওলাই অসমৰ বাতৰি কাকত পালে। আৰু ৰাইজক মূৰ্খ সজোৱা হৈ আছে এনেদৰেই। গুৰুজনাক লৈ এনে নিকৃষ্ট মানৰ বাতৰি প্ৰকাশ কৰাৰ অধিকাৰ কোনে পালে?ফেচবুকৰ সাধাৰণ এটা গোটৰ প্ৰচাৰৰ নামত কিছুমান ভুঁৱা লোকক লৈ গুৰুজনাক সাঙোৰা হ ইয়াৰ প্ৰতিবাদ নহব কি যুক্তিত?গুৰুজনাক কৰা এনে অপমান কেতিয়াও সহ্য কৰা নহ

8 comments:

Manjit Nath said...

Awesome and timely writing, also the bad part is that they are asking for money to form some group out of that FB group

Vikramjit Kakati said...

Funny ....

চৈতন্য ভৰদ্বাজ said...

ফেচবুকৰ অত্যাধিক জনপ্ৰিয়তাই গুৰুজনাকো নেৰিলে | এতিয়া কেবল ফেচবুকেই যেন তেওঁক বিশ্বদৰবাৰলৈ লৈ যাব !!! শিক্ষিত মানুহৰ এই ৰুপ দেখি চকু কপালত উঠিছে | বাতৰিকাকতৰ সংখ্যা বেছি হোৱাৰ পিছত তেওঁলোকে একক দহ কৰি লিখি সৰ্বসাধাৰণক বিপথে চালিত কৰিছে | তথাপিও আমাৰ সমাজৰ জ্ঞানী মানুহখিনিয়ে সমাজখনক ভাল দিশলৈ নিব বুলি আশা কৰোঁ |

dipankar prasad das said...

ya,,,its disappointing to use the name of mahapurukh shrimanta shankardev in this way,by making some fake profile of celebraty and liking or adding in d group,,,,u r right, most of the big celebarties use their own website,rather than an account in social networking site like fb....even assamese news paper should not publish such silly news

Indukalpa Saikia said...

Hope the same thing u shd post to Amar Asom...

Bikram M Baruah said...

বৰ ভাল লাগিল পঢ়ি৷

keya dutta said...

It's really sad to believe; making confusions since I'm too a part of a group. Just looking for the good sight of it's purpose. Let's see; time will say.

krishna said...

অত বছৰে এই community founder কেইজন ক’ত অছিল ???
অসমতেই Gurujonak prothome protistha kora2 kori lobo lagisil...Nijor guriei hobol nahay...atiau Axomot gurujona'r prosaror proyujon ase...