Friday, October 8, 2010

নামনি অসমত প্রচলিত মহোহো উৎসৱ

মহৌ হৌ মহৌ হৌ মহ খেদবা টোকান লৌ,
মহে বোলে মৰলু দে, টেপৰ পুৰা খালু দে।।

নামনি অসমৰ লোক উৎসৱ সমুহৰ ভিতৰৰ এটা প্রধান উৎসৱ হৈছে মহোহো বা মহখেদা উৎসৱ। এই লোক উৎসৱ মতে আঘোনী পূৰ্ণিমাত গাঁৱৰ চেমনীয়া আৰু ডেকা সকলে মিলি কেইবাটাও ভাগত বিভক্ত হৈ মানুহৰ ঘৰে ঘৰে গীত গায়। চোতালত থিয় হৈ ঘূৰণিয়াকৈ গোৱা এই গীতসমূহত এজন দলপতি থাকে, যি গীতৰ সূত্র ধৰে আৰু বাকীসকলে তেওঁক অনুসৰণ কৰে। সকলোৰে হাতত একোডালকৈ টাঙোন থাকে আৰু মাটিত টাঙোন ডালেৰে টুকুৰিয়াই গীত গোৱা হয়। উজনি অসমৰ হুঁচৰিৰ সৈতে সাদৃশ্য থকা এই গীত সমুহক মহহো গীত বা ভাওল দিয়া গীত হিচাবে জনা যায়। সাধাৰণতে গাঁৱৰ পৰা মহ ডাহ বোৰ খেদাবলৈ এই গীত গোৱা হয়, প্রচলিত বিশ্বাস অনুসৰি এই গীত গালে গাৱৰ পৰা মহবোৰ নাইকিয়া হয়। ঘৰে ঘৰে চোতালত গীত গোৱাৰ পাছত গৃহস্থক আশীৰ্বাদ দিয়া হয় আৰু গৃহস্থই চাউল অথবা টকা পইচা দি মহহো দলক বিদায় দিয়ে।

1 comment:

Partha said...

dhanyabaad dei ...amiu disulu xoru thakute...bohu dinor purona kothabor monot pelai dila..