Saturday, July 24, 2010

"কিউকি ৱ' The ক' The নহী ব'লতে"

মোৰ লগৰ এজনৰ পৰীক্ষাৰ কাহিনী। তাৰ সেইদিনা আছিল ইংৰাজীৰ কাকত। পঢ়া শুনাত ভালেই। তাৰ ইংৰাজী শুনিলে আমি মুখেৰে মাত নামাটো বাকীকেইটাই। ইংৰাজীৰ ছাত্র বুলিয়েই সি ইমানেই ষ্টাইলত ইংৰাজী কয় যে আমি তাক দুবাৰ মান সুধিবলগীয়া হয়, আচলতে কি কৈছে। ইংৰাজী শব্দবোৰৰ অৱস্থা সি এনেকুৱা কৰি দিয়ে যেন, সি আৱিষ্কাৰ কৰা নতুন শব্দ কেইটা অক্সফোর্ড অভিধান খনত সুমুৱাইহে এৰিব। মানে তাৰ ভাষাত একেবাৰে 'yo yo' টাইপ ইংৰাজী। এচ.এম.এচ(sms) ত সাংঘাটিক পোক। প্রেয়সীলৈ কি পঠাই নাজানো কিন্তু আমালৈ ঘনাই ঘনাই অদৰকাৰী কিছুমান (গণেশ বাবাৰ নামত ১০ টা এচ.এম.এচ আনলৈ পঠোৱাৰ নিৰ্দেশ সহ) এচ.এম.এচ পঠোৱাটো তাৰ পুৰণি অভ্যাস। ইমানেই 'চৰ্ট ফৰ্ম' ব্যবহাৰ কৰে যে তাক সুধিবলগীয়া হয় আচলতে কি লিখিছে। এইজন মহাশয়ৰে সেইদিনা আছিল ইংৰাজীৰ প্রশ্নকাকত এখন। পৰীক্ষা দি উঠি মোলৈ ফোন। খবৰ বাতৰি ললো পৰীক্ষাৰ। কিন্তু আচৰিত, এইবাৰ দেখোন তাৰ কথাত ইংৰাজী শব্দৰ পয়োভৰ খুবেই কম। "অই বুজিচ, মই এই এচ.এম.এচ দিয়াটো কমাব লাগিব। নহ'লে মই বৰ্বাদ হৈ যাম।" পেটে পেটে ভালেই পালো যদিও ভদ্রতাৰ খাতিৰত সুধিলো "কিয়?"। "আব্বে। নকবি আৰু, আজিৰ পেপাৰ খন গেলাই থৈ আহিলো। কি জানো হ'ল, মুৰটোৱে কাম নকৰা হ'ল নেকি। আধাতকে বেচি উত্তৰ এচ.এম.এচ টাইপত লিখি দিলো।" মোৰ বুজিবলৈ বাকী নাথাকিল আৰু সি প্রকৃততে কি লিখি থৈ আহিলে। মানে You টো U, The টো D, English টো Eng, We টো V ইত্যাদি ইত্যাদি আৰু। বেচেৰাটোৱে আকৌ সুধিলে "অ'ই, তেনেকে লিখিলে মাৰ্ক পামনে?" মিছা সান্ত্বনাৰ সুৰত ক'লো "তোৰ উত্তৰ বহী চোৱাজনো যদি তোৰ দৰে এচ.এম.এচ. পাগল , তেন্তে নিশ্চয় পাবি।"পাছত গম পাইছিলো সেই পেপাৰ খনত তাৰ 'বেক্' লাগিল।

1 comment:

Prasenjit Khanikar said...

notun generation tur majot sms/chating type likhoni style'tu beyakoi xipaise...ei lorajonor bhool huwa tu swabhabik...mur nijore ketiyaba 2 bar man enekuwa hoise....

ataitkoi dangor kotha--raij'e formal email kisuman'ot eibilak style use koribo nalage buli NAJANE ba janileu CARE NOKORE...amar university'r Indian students'or yahoo group tut kisuman lora-suwali'e enekoi email likha dekhisu...mur logor 2 jon mane ei kothatur ghur apotti korise...

aru kisuman xoru lora-suwalir (Bachelors ba tolor level'or ) orkut scrap bilak bujute ketiyaba mur bohut time lage.....jene "apuni KTa ahibo ? ".......bhaigye kisuman'e jegai jegai capital kori diye.....:-)