Sunday, August 1, 2010

অৰ্কূট, ফেচবুক আৰু বন্ধুত্ব


কিছুবছৰ আগলৈকে হয়তো কোনেও ভবা নাছিল পৃথিৱীখন ইমানেই সৰু হৈ পৰিব বুলি। আজিৰ পৰা ৭-৮ বছৰ মানৰ আগলৈকে হয়তো ‘ছচিয়েল নেটৱৰ্কিং’ বুলি কোনো শব্দই নাছিল। আছিল যদিও অভিধানৰ মাজতেই সীমাৱদ্ধ আছিল। কিন্তু বৰ্তমান ‘ছচিয়েল নেটৱৰ্কিং’ শব্দটো যেন দৈনন্দিন জীৱনৰে এক অংগ হৈ পৰিছে। বৰ্তমান এনে এটা পৰ্য্যায় পাইছেগৈ যে অৰ্কূট, ফেচবুক আদিবোৰ নোহোৱাকৈ আমি আমাৰ দৈনন্দিন কৰ্মসূচী খন তৈয়াৰ কৰিবলৈও অসুবিধা হৈ পৰিছে। নতুন নতুন মনে মিলা বন্ধুৰ সৈতে ভাৱৰ আদান প্রদানৰ ক্ষেত্রত এই ‘ছচিয়েল নেটৱৰ্কিং চাইট’ বোৰৰ অৱদান অনস্বীকাৰ্য্য। বিশেষকৈ অৰ্কূটত মোৰ চাৰি বছৰীয়া অস্তিত্বত ইমানবোৰ বন্ধুৰ লগত চিনাকি হম বুলি হয়তো সপোনতো ভবা নাছিলো। অচিনাকী মুখবোৰ নো পলকতে কেনেকৈ আপোন হৈ পৰিল টলকিবই নোৱাৰিলো। হয়তো কোনোবা এজন বন্ধু সাত সাগৰ তেৰ নদীৰ সিপাৰে আছে, যাক মই এতিয়ালৈ লগেই পোৱা নাই। তথাপি বন্ধুত্বৰ এনাজৰী ডাল যে ইমানেই সুদৃঢ় সেয়া হয়তো বুজাবলৈ ভাষা নাই। হয়তো কোনোবা এজন ভাৰতবৰ্ষৰে কোনোবা এটা প্রান্তত থাকে, যাৰ লগত অৰকূট, ফেচবুকৰ যোগেদিহে চিনাকী তেওঁৰ লগতো বন্ধুত্বৰ এনাজৰী ডাল সমানেই সুদৃঢ়। কেৱল অসমীয়াই নহয়, ইয়াৰ যোগেদি লাভ কৰিছো বিভিন্ন অনা অসমীয়া বন্ধু, বিভিন্ন প্রান্তৰ। যিসকল আজীৱন থাকিব বুকুৰ আপোন হৈ। হয়তো ইয়েই হৈছে বন্ধুত্বৰ ‘ইন্টাৰনেট’ সংজ্ঞা, কিন্তু যি বন্ধুত্ব এতিয়া ইন্টাৰনেটৰ পৰিসৰৰ বাহিৰত।


2 comments:

Prasenjit Khanikar said...

বেছি নকওঁ । ORKUT বোলা বস্তুটো নথকা হ'লে হয়তো মই বিদেশলৈ পঢ়িবলৈ নাহিলোহেঁতেন ।

harish said...

বেছি নকওঁ । ORKUT বোলা বস্তুটো নথকা হ'লে হয়তো মই বিদেশলৈ পঢ়িবলৈ নাহিলোহেঁতেন ।