Thursday, July 1, 2010

"নমস্কাৰ, এয়া দূৰদৰ্শন কেন্দ্র গুৱাহাটী"



অ' আমাৰ গাওঁ (ধাৰাবাহিক: বিয়াল্লিশৰ শ্বহীদ)

"নমস্কা্‌ৰ, এয়া দূৰদৰ্শন কেন্দ্র গুৱাহাটী। আজি প্রচাৰ হ'বলগীয়া অনুষ্ঠান সম্পৰ্কে জনাইছো..."। ঠিক ৬ বজাৰ লগে লগে এনেদৰেই আৰম্ভ হৈছিল গুৱাহাটি দূৰদৰ্শনৰ অনুষ্ঠান সমূহ। ছয় বজাৰ পৰা চাৰে আঠ বজালৈ চলিছিল অনুষ্ঠান সমূহ। ছয় বজাৰ পৰা চাৰে ছয় বজালৈ লৈ চলিছিল বৰগীত, লোকগীত বা তেনেধৰণৰ ভক্তিমূলক তথা শাস্ত্রীয় সংগীত সমূহ। চাৰে ছয় বজাৰ পৰা আৰম্ভ হৈছিল সাক্ষাৎকাৰ, আলোচনা চক্র অথবা চুটি তথ্যচিত্রসমূহ। সন্ধ্যা ৭ বজাত নৰ্থ ইষ্ট নিউজ, সাত বাজি পোন্ধৰ মিনিটত অসমীয়া বাতৰি, মাধুৰিমা কাকতি, বিজু ভৰালী আদিৰ কণ্ঠত। তাৰে পাছতে যেন পৰিয়ালৰ সকলোবোৰ সদস্য টিভিটোৰ সন্মুখত এক হোৱাৰ সময়। চাৰে সাত বজাৰ লগে লগে আৰম্ভ হৈছিল জনপ্রিয় টিভি ধাৰাবাহিক সমূহ। পাপু নিকু সংবাদ, তেজাল ঘোঁৰা, ৰহস্য, বৃকোদৰ বৰুৱাৰ বিয়া, নামঘৰীয়া, ঋতু আহে ঋতু যায়, এই চহৰতে, আজিৰ মানুহ, সুৰঙ্গৰ শেষত, ঘৰত কোন আছে, সুৰুজমুখীৰ স্বপ্ন, চিৰিচ্, বিৰিণা পাতৰ আঙঠি, তদন্ত, মহানগৰ, গধুলি, জীতু নীতুৰ অভিযান, হনুমানৰ সাধু, পথৰুঘাটে ৰিঙিয়ায়, বিয়াল্লিশৰ শ্বহীদ আদি অলেখ জনপ্রিয় ধাৰাবাহিকে গোটেই পৰিয়ালৰ সদস্য সকলক টিভিৰ সন্মুখত বান্ধি ৰাখিছিল। দ্বিতীয় আৰু চতুৰ্থটো দেওবাৰে আবেলি দিছিল জনপ্রিয় কথাছবি সমূহ। কিন্তু এতিয়া সেই ৰামো নাই আযোধ্যায়ো নাই। শ শ চেনেলৰ মাজত হেৰাই গল সেই সুলভ দৃশ্যবোৰ। কিন্তু সেই সময়খিনি হয়তো সদায় সকলোৰে মনত থাকিব, এটুকুৰা স্মৃতি হৈ।


শীৰ্ষ সংগীত : ধাৰাবাহিক 'নামঘৰীয়া'

2 comments:

alaap.....sundarar anesawn said...
This comment has been removed by the author.
kulendu said...

Hosai,amaru antata monot ase, ai dharabahik burar naam!!! Atia oboisse Doordarshan Guwahati t Batori sowa-huna najai..... NE TV,NEWS LIVE ulal, 1 ghanta batori u sabo mann najai.....Hei 15 min r batori tu he vaal asil....15 min te gotei batori ses...

Apuni ai bixoi a likha babe bahut bahut dhanyabaad dei........