Tuesday, June 29, 2010

অসম জাতীয় বিদ্যালয় আৰু এক অভিনৱ পদক্ষেপ

আমি আমাৰ ভাষাটোক কিমান ভাল পাওঁ? হয়তো বৰ্তমান অসমীয়া ভাষাটো এনে এটা পৰ্য্যায় পাইছেগৈ যে আপুনি মই হয়তো সম্পূৰ্ণ শুদ্ধ ৰূপত অসমীয়া ভাষাটো ভালকৈ ক'ব বা লিখিব নোৱাৰা হৈ পৰিছো। ইংৰাজী ভাষাৰ দৌৰাত্ম্যত যেন অসমীয়া ভাষাই নিজৰ স্বকীয়তা হেৰুৱাই পেলাইছে। ইয়াৰ মাজতে গুৱাহাটী মহানগৰীৰ অসম জাতীয় বিদ্যালয়ে অসমীয়া ভাষা শুদ্ধকৈ লিখিবলৈ এক অভিনৱ উপায় উলিয়ালে। বিদ্যালয় খনৰ বাচবোৰত অসমীয়া বিভিন্ন শব্দবোৰৰ শুদ্ধ ৰূপটো দেখুওৱা হৈছে। সততে ভুল কৰি অহা শব্দবোৰৰ শুদ্ধ ৰূপ দেখুওৱাই ই যে কেৱল ছাত্র-ছাত্রী সকলকে সহায় কৰিব এনে নহয়। বাচ খন কাষেৰে পাৰ হৈ গ'লে ডাঙৰ লোক এজনেও সেয়া দেখি এবাৰ হলেও চিন্তা কৰিব তেওঁ প্রকৃততে শুদ্ধ ৰূপটো ব্যবহাৰ কৰে নে নাই? অসম জাতীয় বিদ্যালয়লৈ আন্তৰিক ধন্যবাদ জ্ঞাপন কৰিলো, এই অভিনৱ পদক্ষেপৰ বাবে।